Makina e kryetarit të Partisë Liberale Demokratike në Serbi, Çedomir Jovanoviç është sulmuar mbrëmjen e së enjtes në aeroportin “Nikola Tesla” të Beogradit.
Mediat serbe bëjnë me dije se ka ndodhur një incident kur persona të panjohur e kanë thyer makinën e opozitarit Jovanoviç, para hyrjes së ndërtesës së aeroportit dhe e kanë fyer atë.
Opozitari serb në aeroport ishte duke pritur disa miq të tij që po vinin nga shtetet perëndimore, ku e kishte parkuar veturën në krahun e ndalimit para hyrjes së ndërtesës së aeroportit.
Kur ishte kthyer ka gjetur në tokë pjesë të thyera të makinës gjersa një grup të rinjsh filluan ta fyenin rëndë, e cila shkaktoi edhe një konflikt verbal.
Ndërkohë kujtojmë se politikani opozitar edhe në të kaluarën kishte probleme ndër të tjerash edhe për përkrahjen publike për pavarësinë e Kosovës./abcnews.al
