Gjatë një operacioni në Vlorë janë sekuestruar armë zjarri, municion luftarak dhe veshje si të policisë. Poseduesi i tyre, sipas policisë është shpallur në kërkim. Ai është Adem Idrizaj 30 vjeç banues në fshatin Mallkeq, Vlorë.
Gjatë kontrollit në banesën e tij, policia gjeti dhe sekuestroi 2 armë zjarri automatike, njëra me silenciator, një armë zjarri pistoletë, 6 karikatorë me fishekë, 2 jelekë dhe 2 kapele si të policisë.
Materialet i kaluan Prokurorisë së Rrethit Vlorë për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Mbajtja pa të drejtë e uniformës”./ Abcnews.al
