Olimpia Smajlaj ishte e ftuar këtë të enjte në emisionin “Abc-ja e mëngjesit” ku foli për pjesëmarrjen e saj në Festivalin e Këngës. Ajo konkurron me këngën “Dua”, për të cilën ndau detaje gjatë intervistës me moderatorin Alban Musa. Ajo tregoi se është hera e parë që merr pjesë në festival, ndërsa tha se e shikon si një mundësi të mirë për të treguar veten e saj.
E pyetur nga moderatori Alban Musa se shikon si konkurrent të fortë në edicionin e 60-të të Festivalit, ajo tha: “Këtë pyetje mund t’i përgjigjem vetëm natën kur t’i shoh duke performuar live. Sepse e gjithë konkurrenca buron nga aftësia që do të ketë gjithsecili për të prezantuar veten dhe performuar live me gjithçka që ka përgatitur.
Se kë konsideroj konkurrent më të fortë nuk e them dot, vetëm në momentin kur t’i shoh live. Është goxha sfidë. Po, i asfidoj sepse është këndim live. aq më tepër nëse do të bësh dhe performancë duhet të alternosh shumë gjëra, kërcimin, zërin, frymëmarrjen.“, tha ajo duke shtuar se e shikon festivalin si një mundësi për t’u rritur në karrierë.
/abcnews.al
