Lideri i demokratëve Lulzim Basha e ka cilësuar këtë të sotmen një ditë historike për paqen pasi shtetet anëtare të OKB-së votuan me shumicë dërrmuese për ndëshkimin e Rusisë pas pushtimit të Ukrainës.
Në një postim në Twitter, kryedemokrati shkruan se bota është e bashkuar dhe e vendosur që t’i qëndrojë në krah Ukrainës për të mbrojtur “vlerat dhe parimet që na mbajnë të bashkuar.”
It’s a historic day for peace, the overwhelming majority of UN member states voted to halt the unprovoked and unjustified Russian aggression. The world is united and determined to stand by Ukraine, and to defend the values and principles that hold us together. #StandWithUkraine pic.twitter.com/AyfPERwBMt
— Lulzim Basha (@lulzimbasha_al) March 2, 2022
Kujtojmë se në Asamblenë e Përgjithshme të Organizatës së Kombëve të Bashkuara u votua sot draft-rezoluta e hartuar nga Shqipëria dhe SHBA-të për të ndaluar pushtimin e Ukrainës. Rezoluta u mbështet nga 141 nga 193 anëtarët në një seancë të rrallë urgjente të Asamblesë së Përgjithshme të thirrur nga Këshilli i Sigurimit i OKB-së.
Vetëm 5 vota janë renditur nga ana e Rusisë: – Rusia vetë – Bjellorusia – Eritrea – Korea e Veriut – Siria. 34 ishin abstenimet duke përfshirë – Kinë – Indi.
Më herët pas votimit të rezolutës reagoi edhe kryeministri Edi Rama, i cili ndër të tjera veçoi faktin që ndër shtetet që votuan “pro” ishte edhe Serbia, duke u shprehur se ky akt unifikon Ballkanin Perëndimor me Perëndimin. /abcnews.al/
