Një ofertë surprizë ka ardhur në drejtim të Milanit për sulmuesin e saj, Krzysztof Piatek. Bëhet fjalë për gjermanët e Hertha Berlin, të cilët i kanë bërë një ofertë zyrtare klubit kuqezi. Kështu klubi gjerman i bashkohet Tottenhamit në garën për polakun.
Sipas gazetarit Gianluca Di Marzio, Hertha i kanë ofruar 27 milionë euro Milanit plus bonuset për 24-vjeçarin. Por, janë milanezët ata që kanë bllokuar transferimin pasi ende besojnë te kalimi i tij në Londër.
Tottenham ofroi 30 milionë euro, por Milan kërkon të paktën 35 milionë euro për kartonin e Piatek, e cila është edhe shuma që ka paguar një vit më parë në arkën e Genoas. Sulmuesi i kombëtares polake e ka humbur vendin në formacion, që nga transferimi i Ibrahimovic në Milano. Ai kërkon më shuma minuta lojë duke parë afrimin e Euro 2020 dhe largimi nga kuqezinjtë mund të jeta zgjidhja perfekte. /abcnews.al
