Eros Grezda dhe Florian Kamberi kanë veshur fanellën e Rangers së fundmi dhe në Skoci po shohin gjithnjë e më tepër futbollistë shqiptarë. Tani është radha e Celtic, që dikur ka pasur në gjirin e saj një lojtar të spikatur si Rudi Vata.
Gjiganti skocez raportohet se ka bërë një ofertë për mesfushorin Lindon Selahi. I riu i rritur në Belgjikë ka zgjedhur Shqipërinë dhe tani luan në Holandë, ku është pjesë e Twente. Celtic ka tentuar ta transferojë, por pa sukses për momentin.
Oferta e bërë nuk e ka bindur klubin holandez. Mbetet të shihet nëse skocezët do të ngulojnë më shumë dhe ta rritin ofertën e tyre për Selahin. Mesfushori këtë sezon ka luajtur në 25 ndeshje dhe ka shënuar 2 gola, ndaj edhe për të me shumë mundësi zërat e merkatos mund të jenë të shumta gjatë kësaj vere. /abcnews.al
