Covid-19 është ende një “kërcënim”, paralajmëron Organizata Botërore e Shëndetësisë, tre vjet pas shpërthimit të pandemisë që vrau miliona njerëz në mbarë botën dhe gjunjëzoi ekonominë globale.
“Ky virus, SARS-CoV-2, aktualisht po qarkullon në të gjitha vendet dhe vazhdon të përbëjë një kërcënim. Duhet të qëndrojmë vigjilentë, sepse virusi qarkullon, evoluon dhe ndryshon”, tha epidemiologia Maria Van Kerkov, e cila është përgjegjëse për grupin teknik të OBSH-së për parandalimin dhe reagimin ndaj epidemive dhe pandemive.
“Ne kemi parë një rritje të ngadaltë por të qëndrueshme të rasteve në mbarë botën ,” vuri në dukje Maria Van Kerkov. Përballë pandemisë Covid-19, OBSH shpalli një emergjencë të shëndetit publik më 30 janar 2020, niveli më i lartë i alarmit. Përveç simptomave të menjëhershme të Covid-19, OBSH nuk e ka fshehur shqetësimin e saj për efektet afatgjata të shkaktuara nga sëmundja, e ashtuquajtura sindroma e gjatë Covid.
“Ne kemi prova që tregojnë se vaksinimi kundër Covid-19 zvogëlon rrezikun” e efekteve afatgjata, tha Maria Van Kerkov. Ajo tha se rreth 13.5 miliardë doza të vaksinave Covid-19 ishin administruar në mbarë botën që nga fundi i vitit 2020, duke u bërë thirrje qytetarëve në hemisferën veriore – ku dimri është vetëm afër – që të vaksinohen kundër gripit dhe sëmundjes së shkaktuar nga koronavirusi./abcnews.al
