Loading ...
Interi ia doli të ngjitet në krye të Serie A mbrëmjen e kaluar pas fitores 3-1 ndaj Lazios. Zikaltrit do të bëjnë të pamundurën për të ruajtur këtë pozicion deri në fund të sezonit, teksa drejtuesit po mendojnë për sezonin e ardhshëm.
Një nga dëshirat e klubit italian në merkato është Nabil Fekir. 27-vjeçari i kombëtares së Francës, është pjesë e Betis prej verës së vitit 2019 dhe cilësohet si një përforcim fantastik në ofensivë.
Fekir luan në rolin e mesfushorit të avancuar, por mund të aktivizohet edhe në krahët e sulmit. Mediat iberike zbulojnë planin e Interit për të siguruar lojtarin me origjinë nga Algjeria. Klubi italian është gati të përfshijë kartonin e Stefano Sensit në këtë operacion. /abcnews.al
