Wilfried Singo është 20 vjeç, luan në krahun e djathtë të mbrojtjes dhe në qendër të saj, dhe këtë sezon ia ka dalë të fitojë një fanellë titullari tek ekipi italian (23 ndeshje dhe 1 gol).
Paraqitjet e mira të lojtarit nga Bregu i Fildishtë kanë tërhequr vëmendjen e Milanit dhe Liverpool. Kampionët e Anglisë kanë mbetur të mahnitur nga aftësitë e lojtarit, për të cilin kanë ofruar 20 milion euro.
Për momentin, Torino e ka refuzuar propozimin e kampionëve të Anglisë. Klubi “granata” po pret fundin e sezonit për të negociuar shitjen e tij, me shpresën që çmimi do të rritet. /abcnews.al
