Një flamur kuqezi, i cili daton që prej vitit 1939, do të bëhet pjesë e muzeut etnografik të Lezhës, duke u ekspozuar për vizitorët si një simbol i veçantë i identitetit tone kombëtar.
Ky flamur ka një histori jo vetëm për jetëgjatësinë, por edhe për rrugëtimin që ka ndjekur që kur është prodhuar në Itali deri në ditët e sotme.
Në vitin 1939, kur Shqipëria ishte nën pushtimin Italian, gjenerali Ferruccio Ranza, komandant i forcave ajrore te Shqipërisë kishte porositur prodhimin e flamurit kuqezi me shqiponjën e mbretërisë shqiptare, për ta patur në koleksionin e tij.
Me kujdes dhe dëshirën për ta ruajtur në dekada, gjenerali i lartë italian ja trashëgoi flamurin nipit të tij, I cili mban emrin e njëjtë me gjyshin, Ferrucio Ranza.
Ky i fundit, ja dhuroi flamurin mikeshës së tij shqiptare, që jetonte në Itali, Anita Beqiri.
Pasi e ka ruajtur me fanatizëm, Anita vendosi që flamuri të ruhet në muzeun etnografik të Lezhës, duke ja dhuruar këtij institucioni.
Ky flamur tregon admirimin që gjenerali i lartë Italian ndjente për popullin shqiptar dhe kujtimet e tij të bukura, pavarësisht luftës dhe vështirësive të periudhës.
Me këtë simbol të rrallë, në muzeun e Lezhës janë në total 3 flamujt më të vjetër që ruhen edhe sot./abcnews.al
