Loading ...
Në vazhdën e lehtësimit të lëvizjes mes vendeve, në kuadër të iniciativës drejt një Ballkani të hapur, u çel sot pika e përbashkët kufitare Shqipëri – Mali i Zi, një infrastrukturë dinjitoze e standardeve europiane, që do të thjeshtojë ndjeshëm procedurat për lëvizjen e qytetarëve në të dy vendet. Në përshëndetjen e drejtuar me këtë rast, kryeministri Rama tha se angazhimi i përbashkët i vendeve të Ballkanit mund ta kthejë hapësirën në të gjithë rajonin, një hapësirë ku sundojnë katër liritë e BE.
Ndërkohë në fund të këtij takimi Rama nuk i kurseu batutat me zv.kryeministrin e Malit të Zi, Dritan Abazoviç.
Në momentin që do të pritej shiriti, Rama e ka thërritur dhe i ka kërkuar Abazoviç që të futet në mes.
“O Dritan hajde këtu hajde, hajde more këtu. Ka merri gërshërët, prite…ashtu, bravo”- shton Rama dhe nisin duartrokitjet.
Pas kësaj, Abazoviç duke kapur dorën e Ramës dhe të kryeministrit malazezë ka prerë shirit.
Momentin në fjalë mund ta ndiqni në minutën 15:00 të videos së mëposhtme. /abcnews.al/
