Pas Jovan Vangjelit, zjarrfikësit kanë mundur të gjejnë edhe trupin e shkrumbuar të 36-vjeçarit Mateo Vangjeli në shtëpinë e djegur në lagjn “Muzakaj” të Beratit duke përfunduar kështu kërkimin në banesë.
Më herët, zjarrfikësit u njoftuan prej familjarëve se në shtëpi kur ka rënë zjarri kanë qenë tre persona, pikërisht Jovan Vangjeli me të birin, Meteo, si edhe shoku i këtij të fundit, por më pas u zbulua se brenda kishin qenë vetëm babë e bir.
Zjarrfikësit kontrolluan të gjithë shtëpinë dhe brenda saj nuk ka asnjë trup tjetër.
Lexo edhe: VIDEO/ Zjarri i merr jetën një personi në Berat, dyshohet edhe për dy viktima të tjera
Ngjarja e rëndë ndodhi pas mesnatës së djeshme ku një zjarr përfshiu të gjithë shtëpinë duke mos i dhënë mundësi atyre që gjendeshin brenda të shtëponin. Të afërmit i thanë gazetarëve se paraprakisht dyshojnë se shkak i zjarrit ka qenë një rezistencë, me të cilët banorët e shtëpisë ngroheshin dhe gatuanin. /abcnews.al
