Nuk zotëronin licencë, 5 infermiere të arrestuara në Greqi, mes tyre 3 shqiptare

Policia greke ka vënë në pranga  5 infermiere të huaja, mes të cilave tre shqiptare të cilat nuk kishin licencën për ushtrimin e profesionit në vendin fqinj.

Mediat vendase bëjnë me dije se ndalimi i tre infermiereve nga Shqipëria dhe dy nga Bullgaria është bërë në spitalin publik të Janinës Haxhikosta, pasi pas kontrollit të ushtruar ato nuk kanë pasur dokumentacionin e duhur.

Ndërkohë vijojnë hetimet për të zbuluar se si këto shtetase kishin arritur të punësoheshin në spitalin e Janinës pa pasur dokumentacionin përkatës./abcnews.al