Eurodeputeti bullgar Andrej Kovaçev, të cilit iu refuzua hyrja në Maqedoni më 6 maj, është shprehur se ky hap me “lista të zeza”, është një gabim i madh në Maqedoninë e Veriut.
Sipas tij një vendim i tillë ishte një zhgënjim i madh.
“Shkupi i detyrohet një shpjegim të qartë pse e bëri këtë. Së pari duhet të dëgjoj shpjegimet e tyre, ato duhet të jenë zyrtare. Marrëdhëniet në Parlamentin Evropian kanë ndryshuar, çdo deputet mendon se duhet të udhëtojë lirshëm”, ka thënë eurodeputeti.
Ai tha se vetëm pak ditë më parë ka pasur një bisedë me ministrin Bujar Osmani dhe nuk ka asnjë të dhënë për një vendim të tillë.
“Nuk kishte asnjë pikë dyshimi apo pritje për atë që do të vinte,” komentoi ai.
Ndër të tjera ai është shprehur se vendimi për hyrjen e tij në Shkup do të ndikojë në negociatat për anëtarësim të Maqedonisë në Bashkimin Evropian./abcnews.al
