Dy ditë më parë, Partia Demokratike zgjodhi 20 anëtarët e kryesisë, 14 burra dhe 6 gra. Ajo që ra në sy ishte rikthimi i Jozefina Topallit dhe zgjedhja e Ina Zhupës, bdërsa Arben Imami mbeti jashtë liste.
Analisti Lorenc Vangjeli, i ftuar në emisionin “Log” në Abc me gazetarin Endri Xhafo u shpreh se pjesë e kryesisë do duhet të ishte edhe Imami me Vokshin. Ndërkohë Eno Bozdo, i cili u zgjodh anëtar kryesie, tha se Vokshi është kryetare e gruas prandaj nuk ishte në listë.
Vangjeli: Do të doja që aty të ishin Arben Imami, një nga demokratët më të mençur, do të ishte fat për kryesinë. Gjithashtu edhe zonja Vokshi do doja të ishte votuar.
Bozdo: Kryesia sipas Statutit përbehet nga 20 të zgjedhur, plus kryetari i partisë, plus 2 nënkryetarët, sekretari i përgjithshëm dhe këtu bëhen 24. Plus kryetari i këshillit kombëtar që është Paloka, plus dy drejtuesit e organizatave partnere. Arsyeja pse Belindi është në listë është se ka dhënë dorëheqjen nga kryetari i forumit. Zonja Vokshi nuk është këtu ë listë sepse është kryetare e gruas.
Lexo edhe: Pas zgjedhjes së Kryesisë, PD merr vendimin tjetër, mblidhet të premten: Çfarë do të diskutohet
Vangjeli: Do më shqetësonte mungesa e saj.
Bozdo: Jam unë që nuk kam qenë pjesë e Foltores. Është Ina Zhupa. Nuk jam as deputet, por është vota që më solli këtu dhe i tillë është procesi. Ka të tjerë të mbarë që mund të ishin, por ky është procesi dhe kjo është vota.
Lista e plotë e anëtarëve të kryesisë:
- Fatbardha Kadiu
- Ina Zhupa
- Jozefina Topalli
- Edith Harxhi
- Mimoza Hajdarmataj
- Eleina Qirici
- Belind Këlliçi
- Flamur Noka
- Oerd Bylykbashi
- Ervin Minarolli
- Luçiano Boçi
- Agron Shehaj
- Luan Baçi
- Grigels Muçollari
- Gent Strazimiri
- Eno Bozdo
- Keltis Kruja
- Arben Ristani
- Aldo Bumçi
- Florian Mima.
Ndërkohë të premten e 3 qershorit do të mblidhet Këshilli Kombëtar i selisë blu./abcnews.al/
