Deputeti Myslym Murrizi, në studion e ABC News me gazetarin Endri Xhafo foli për debatet politike për ndryshimet në Kodin Zgjedhor.
“Ne do të përpiqemi sa të mundemi për të rikthyer demokracinë e munguar këto 30 vite”, u shpreh ai.
Ndërsa foli për zgjedhjet ai theksoi se nuk është kundër asnjë qytetari i cili është zhgënjyer nga mazhoranca dhe zgjedh të votojë “Lëvizja Demokratike Shqiptare”.
“Nuk shpresoj se do të marrim vetëm vota të djathta. Unë nuk pengoj asnjë qytetar që është i prerë në besë nga kjo mazhorancë. Unë nuk i trembem garës”, tha ai.
Do të mbani në pushtet Edi Ramën duke copëzuar votat e të pakënaqurve?
Murrizi: Kush tha që do të bashkojmë votat me Edi Ramën. Votuesi shqiptar i ka partitë në listë dhe nuk e pengon njeri të votojë. Nëse vjen në pushtet me rrotë nuk mundet që të gjithë shqiptarët t’i bësh rrotë dhe nuk i jep hapësirë që të zgjedhin me votë.
Po ashtu Murrizi gjatë intervistës tha se grupi parlamentar i PS-së duhet të mirëkuptojë kërkesën e tre kryetarëve të grupit të opozitës që Kodi Zgjedhor të mos jetë në agjendën e punimeve të Parlamentit.
Gjithashtu Murrizi tha se nuk mund të ketë prag kombëtar, ndërsa e cilësoi atë thjesht një lojë.
“Kërkuam një sistem proporcional kombëtar. Prag Kombëtar nuk ke, kur nuk ke shportë deputetësh, është thjesht një tallje”, tha ai./abcnews.al/
