Fajtor për shkeljen e rregullave të “Fair Play Financiar” gjatë sezonit 2021-2022, Everton fillimisht mori një zbritje prej 10 pikësh si dënim. Një sanksion që u reduktua në gjashtë pikë vetëm pak ditë më parë nga drejtuesit e Premier League, një ulje e dënimit që i lejon klubit anglez të largohet nga zona e rënies. Megjithatë, sipas raportimeve nga “The Sun”, telashet nuk kanë mbaruar ende.
Burnley, Leeds, Leicester, Nottingham dhe Southampton kanë treguar tashmë synimin e tyre për ta çuar Everton në gjykatë. Konfirmimi se klubi i Merseyside fitoi një avantazh sportiv duke shkelur rregullat e Fair Play Financiar të Premier League, i ka shtyrë këto klube të ndërmarrin veprime ligjore.
Burnley dhe Leicester thonë se janë viktima të drejtpërdrejta të sjelljes së gabuar të Everton dhe po kërkojnë para nga “Toffees” për dëmin financiar të shkaktuar. Në total, Everton mund t’i kërkohet të paguajë më shumë se 100 milionë paund si kompensim, një shumë që mjafton për ta zhytur klubin në krizë edhe më të thellë./h.ll/abcnews.al
