TIRANË- Analistja Brizida Gjikondi, e ftuar në “Real Story” u shpreh se përveç Partisë Demokratike si dhe fraksionet e tjera që kanë dalë prej saj e kanë humbur rrugën në raport me interesin kombëtar.
“Unë mendoj se pjesa më e shëndetshme së djathtës janë parti që kanë dalë nga PD dhe që tani e kanë humbur rrugën, sepse me sa s’po shikojmë të gjithë po synojmë vetëm, nga një mandat deputeti se kush është i pari në listë dhe nuk ka frymë.
Kanë qëllime elektorale dhe jo politike afatgjata. Partia e Patozit, partia e Topit, Topallit janë shkrirë si kripa në ujë në momentin që nuk kanë marrë mandatin dhe kjo tregon se nuk kanë krijuar frymë dhe as vizion afatgjatë të opozitarizmit, sepse sa për PD vetëm e djathtë nuk është. Po të kishin vizionin nuk do e kishin lënë në moment të fundit”, u shpreh ajo.
Ajo shtoi se Partia Demokratike ngjason sot si një garnizon i shpartalluar, që aktivitetin e paktë e zhvillon për interesin e një personi: Sali Berishës.
“Për PD, është një garnizon i shpartalluar në funksion të Sali Berishës, nuk kanë frymë dhe nuk kanë vizion. Është një pamje e zymtë. Kudo në Shqipëri ndihet dhe jam e bindur se Berisha dhe unë jam e bindur se do dalë me dobët se sa ky sondazh, është aq e shpërndarë e djathta shqiptare. Partitë të reja mundtë quhet vetëm Lapaj dhe Qori, sepse mundësia është derivat i PD dhe koalicioni Euroatlantik”, tha ajo./abcnews.al
