Jorge Valdano, ish-futbollist dhe trajner i Real Madrid, ka folur për largimin e James Rodriguez. Kolumbiani u transferua tek Everton, aty ku u ribashkua me Carlo Ancelottin dhe për këtë lëvizje, Valdano tha:
“James Rodriguez ka patur një periudhë zhgënjyese te Real Madrid. Dhe kam përshtypjen se nuk është bashkuar me Evertonin, por me Ancelotti FC.
Prisja më shumë nga ai në periudhën e parë me fanellën e Real-it dhe prisja më shumë edhe më pas, kur është kthyer nga huazimi.
Shpesh ka disa lojtarë që kanë nevojë për një trajner që t’i bëjë të ndihen mirë dhe, me sa duket, Ancelotti është trajneri i duhur për të.
James është pa dyshim një lojtar me një talent të madh, por ky duhet të shprehet në fushë dhe duhet bërë me vazhdimësi. Në këtë kuptim, Premier League është një kampionat që kërkon një impenjim të madh. Të shohim nëse do t’ia dalë”, u shpeeh Valdano./abcnews.al
