Arjola Demiri ka qenë një ndër personazhet më të komentuar në Big Brother VIP. Aktorja nuk mundi të arrinte deri në finale, megjithatë siç është shprehur ajo, e ka fituar Big Brotherin e saj, pasi mori dhuratë një shtëpi. Shpeshherë është akuzuar për viktimizim pas rrëfimeve të vazhdueshme lidhur me jetën e saj personale.
Ditën e djeshme, ajo ka folur për herë të parë rreth këtyre akuzave duke thënë se ajo çfarë ka treguar brenda shtëpisë së famshme nuk është asgjë lidhur me atë që ka përjetuar. Mes të tjerash, Arjola e cilësoi rrugëtimin e saj në BB si eksperiencën më të bukur të jetës, që i ka shërbyer shumë si një shkollë më vete.
“Ajo që unë kam thënë ka qenë e moderuar dhe e minimizuar për të ruajtur ato ekuilibrat për fëmijët dhe gjithçka. Unë jam një vajzë e fortë por ajo që publiku nuk dinte për mua është se jam e ndjeshme. Unë prekem me gjërat shumë të vogla, aq sa e fortë dhe jam dhe e brishtë.
Unë kam treguar eksperiencën time për të inspiruar, kam treguar vështirësitë e mia që janë ngjarje që lenë shumë shenjë.”, ka thënë ajo.
/abcnews.al
