Loading ...
Ky skiator nordik në një mënyrë sikur personifikon karakterin e të vetëve.
Norvegjia cilësohet favorite për të fituar Lojrat Olimpike të Dimrit, dhe është pikërisht karakteri në momentet e vështira që bën diferencën.
Jens Oftebro ishte një nga kampionët norvegjezë që bënë detyrën, duke kaluar një sfidë aspak të lehtë në garën e 10 kilometrave skijim nordik, apo të krosit në dëborë.
Ai doli më i fortë se një dënim prej 28 sekondash që iu dha për një gabim gjatë skijimit, dhe po ashtu përballoi një pakujdesi të vetën kur thuajse u rrëzua.
Oftebro 25-vjeçar e mori veten ndonëse iu desh të luftonte dhëmb për dhëmb në fund me rivalin kryesor, Johanes Lamparter të Austrisë.
Koha e fituesit ishte 29’59”4, ndërsa austriaku arriti me një sekondë vonesë.
Edhe fituesi i medaljes së bronzit, Hirvonen i Finlandës, nuk ishte larg, dhe mbeti 2.5 sekonda prapa.
Oftenbro, që kishte në garë edhe vëllanë e tij, u bë i fitues i një disipline historike.
Dhjetë kilometra ski nordike zhvillohet që nga fillimi i Lojrave Olimpike Dimërore në 1924, ndërsa është e vetmja garë ku nuk marrin pjesë femrat.
