Normalizohet situata në pikën e kalimit kufitar të Kapshticës. Pala greke ka riparuar pas mesnatës defektin në sistemin TIMS, për shkak të të cilit mbetën të bllokuar në doganën greke dhjetra mjete. Për më tepër se tri orë, policia greke ka lejuar të dalin vetëm qytetarët me pasaporta greke dhe leje qëndrimi, ndërsa të tjeret kanë pritur derisa është rregulluar sistemi. Pala shqiptare ka menaxhuar fluksin duke hapur pesë sportele në hyrje dhe duke përshpejtuar procedurat e përpunimit të dokumentacionit të mjeteve dhe udhëtarëve. /abcnews.al
