Surprizat vijojnë në pasditet e Ermal Peçi në ‘ABC’. Lajmi që Noizy do të mbaj koncertin e tij në 14 Gusht u shndërrua shumë shpejt në kryefjalën e ngjarjeve që kanë kuriozitet tej mase të lartë. Një muaj para koncertit, më 14 Korrik ( ditën e enjte) duket se artisti aq i dashur për publikun do të rrëfejë detaje nga ‘Alpha Show’.
Dita e enjte, live në ‘Abc e pasdites’ do të jetë e dedikuar tek ngjarja e madhe muzikore e Noizy i cili do të jetë përballë Ermalit për të zbuluar më shumë nga ‘Alpha Show’, të ftuarit, repertori e gjithçka pritet të ndodh. Si po ecin përgatitjet dhe si janë ndjesitë e Noizy?
Si kanë qenë për artistin këto vite plot projekte e rekorde muzikore? Rrugëtimi dhe sfidat për të qenë prane publikut shqiptar dhe ndërkombëtar, do të zbulohen të gjitha në takimin e së enjtes, live ora 16:00, me Ermalin dhe Noizy në ‘Abc e pasdites’. /abcnews.al
