Noizy është padyshim një ndër reperët më të suksesshëm shqiptar. Së fundmi, reperi ka treguar se i është rikthyer pasionit të vjetër të tij. Autori i hitit “All Dem Talk” ka publikuar një video në Instagram, ku duket se është duke ushtruar një prej sporteve të preferuara box-in, të cilin ka treguar se e ka praktikuar gjatë kohës që ka jetuar në Londër.
“Kthim pas 10 vitesh”, ka shkruar Noizy krahas videos. Megjithatë, nuk dihet nëse reperi ka vendosur t’i përkushtohet sërish këtij sporti, apo thjesht po stërvitet për pak kohë. Ndërkohë, përsa i përket projekteve muzikore Noizy ka qenë shumë aktiv këtë verë.
“Puerto Rico”, “Adrenaline”, dhe “All Dem Talk” janë bashkëpunimet e tij që bënë bujë këtë sezon, duke u renditur në listën e këngëve më të dëgjuara. /abcnews.al
