Michael Ngoo, sulmuesi i Tiranës, është bërë i njohur goxha në kryeqytet dhe shpesh shoqërohet edhe me artistë. Një nga miqtë e tij është Noizy, me të cilin anglezi takohet dhe kalon mjaft mirë. Gjingati i bardhebluve është një fans i muzikës rap.
Së fundmi Noizy i ka publikuar një video sulmuesit, i cili shfaqet duke fjetur gjumë. Sigurisht anglezi nuk e ka marrë aspak keq, madje argëtohet me diçka të tillë dhe e riposton në llogarinë e tij në “Instagram”.
“Po fle sikur të kem pirë një shishe të tërë me raki”, shkruan me shaka sulmuesi, i cili është shënuesi më i mirë i Tiranës deri më tani në kampionat, me 9 gola të shënuar. Ngoo ka spikatur me asistet, teksa ka shërbyer 11 herë për shokët e skuadrës, që më pas kanë gjetur rrugën e rrjetës. /abcnews.al
