Kledis Rexho, violinisti shqiptar i cili jeton prej vitesh në Francë ka sjellë një version tjetër të “Margjelos” të Prenk Jakovës. Për këtë projekt ai ka bashkëpunuar me sopranon franko-amerikane, Emilie Rose Bry.
Interpretimi është realizuar në gjuhën shqipe dhe frëngjisht pranë kullës Eiffel në Paris, dhe që i është shtuar punëve në kuadër të projektit “Life and Music Concept” të violinistit. Për emisionin “Abc-ja e mëngjesit”, violinisti tregoi se si lindi bashkëpunimi me sopranon.
“I pëlqeu shumë, nuk kishte patur asnjëherë kontakt me gjuhën shqipe. Me Emilien kam luajtur nëpër koncerte kudo në botë. Dhe sapo i thashë që është një pjesë shqiptare, më tha ok por duhet të më mësosh me fjalët shqip.”, tregoi ai. /abcnews.al
