4 vite pas perfaqësimit te Shqiperise ne Kane, e 2 vite me pare ne garen e ngushtë për OSCAR me filmin “ The Van”. Regjisori i ri, Erenik Beqiri është përzgjedhur në garën zyrtare të edicionit të 80 të filmit në Venecia. Filmi me metrazh të shkurtër, “Një Udhëtim i Shkurtër” është kualifikuar në sesionin e filmit të shkurtër “horizont”.
Regjisori në rrjetet sociale ka dhënë lajmin dhe njëkohësisht suksesin ka preferuar ta ndajë me bashkëpunëtorët dhe ekipin e tij.
Klodi dhe Mira janë në qendër të filmit “Një Udhëtim i Shkurtër” . Çifti i ri shqiptar, vendosin të martojnë Mirën me një francez për pesë vjet në këmbim të parave, për të marrë nënshtetësinë franceze. Më pas, ata duhet të zgjedhin burrin e duhur për të dhe të mësojnë të heqin dorë nga njëri-tjetri.
Në rolet kryesore luajnë aktorët, Tristan Halilaj, Arben Bajraktaraj dhe Walid Afkir si dhe aktorja dhe regjisorja kosovare, Luana Bajrami e cila përfaqësohet në Festivalin e Filmit të Venecias në këtë jubile në dy kategori si aktore dhe regjisore me filmin e saj “Bota jonë”./abcnews.al
