Një edicion jo për t’u harruar, por për t’u analizuar mirë.
Kombëtarja shqiptare nuk arriti dot të imponohej ndaj kundërshtarëve në grupin e Ligës së Kombeve, dhe ishte inferiore ndaj Çekisë, Ukrainës e Gjeorgjisë.
Thuajse në çdo ndeshje, ekipi I drejtuar nga trajneri Silvinjo e mbajti më pak topin, dhe mesatarja ishte 43.8 për qind.
Nuk është më e keqja e mundshme, por gjithsesi vetëm këtë herë kundër Ukrainës në “Arenën Kombëtare” arritëm në 55 për qind.
Sfida tjetër ku ishim më pranë ekuilibrit ishte ajo në Gjeorgji kur fituam 1-0 dhe e zotëruam topin 49 për qind.
Më keq me gjuajtjet.
Kombëtarja realizoi gjithsej 49 goditje në gjashtë ndeshje, me mesatare 8 për çdo sfidë, ndërsa pranoi 70 nga kundërshtari.
Pra, gati 40 për qind më shumë.
Edhe më poshtë ishim me saktësinë, me gjetjen e kuadratit të portës, pasi ia dolëm 15 herë, pra dy herë e gjysmë në çdo sfidë, ndërsa kundërshtari e gjeti portën e Strakohës 24 herë, që do të thotë 1.6 herë më shumë.
Me statistika të tilla vështirë të arrihej më shumë. /abcnews.al
