Milani është pranë rikthimit të Tiemoué Bakayoko. Gazetari i njohur, Fabrizio Romano, bën me dije se kuqezinjtë janë në negociata të avancuara për transferimin e mesfushorit francez.
Bakayoko u përshtat shpejt me kuqezinjtë në sezonin 2018-19 dhe arriti të bëhet i rëndësishëm për ekipin. Tashmë është pranë rikthimit dhe Pioli ka gati projektin për të.
Kuqezinjtë janë në kërkim edhe të një tjetër qendërsulmuesi dhe Pietro Pellegri është emri i zgjedhur. 20-vjeçari pritet të zgjasë kontratën me Monaco, për të shkuar më pas në huazim te Milani. /abcnews.al
