Loading ...
Irani ka ndërmarrë hapa për të kufizuar kontaktet e tij diplomatike me Shtetet e Bashkuara, pas kërcënimeve të fundit nga ish-presidenti amerikan Donald Trump, sipas raportimeve të mediave ndërkombëtare.
Sipas The Wall Street Journal, Teherani ka “ndërprerë diplomacinë e drejtpërdrejtë” me Uashingtonin, megjithëse komunikimi indirekt thuhet se vazhdon përmes ndërmjetësuesve të përfshirë në përpjekjet për armëpushim.
Gjatë konfliktit, pjesa më e madhe e negociatave mes dy vendeve duket se është zhvilluar përmes palëve të treta, përfshirë Pakistan, i cili ka luajtur rol ndërmjetësues.
Ndërkohë, The New York Times raporton duke cituar tre burime iraniane sipas të cilave Irani ka ndërprerë edhe bisedimet indirekte që zhvilloheshin përmes SHBA-së dhe Pakistanit.
Deri tani, nuk ka një konfirmim zyrtar nga autoritetet iraniane lidhur me shkallën e këtyre vendimeve apo ndikimin e tyre në përpjekjet diplomatike për uljen e tensioneve.
