“Serbia është një partner i rëndësishëm dhe i besueshëm i Rusisë”. Kështu shkruhet në një telegram të presidentit rus, Vladimir Putin, të dërguar për homologun serb, Aleksandër Vuçiç.
“Ne e vlerësojmë shumë politikën e jashtme të balancuar të ndjekur nga Beogradi në rrethanat aktuale të vështira ndërkombëtare”, thuhet në telegramin e shefit të Kremlinit.
Putin gjithashtu nënvizon se Moska mbështet përpjekjet e Serbisë për të mbrojtur integritetin territorial të vendit dhe zgjidhjen e çështjes së Kosovës. Vuçiç nuk pati një përgjigje të drejtpërdrejtë, por sinjalizoi se po distancohet nga Rusia dhe po afrohet me Bashkimin Europian.
Presidenti serb nënvizoi se është e rëndësishme të vijohet bashkëpunimi mes Beogradit dhe Brukselit, për faktin kryesor që vendi i tij përfiton rreth 2 miliardë euro investime direkte nga BE në baza vjetore. “
“Është e vështirë për Serbinë që të ecë përpara pa Bashkimin Europian”, theksoi Vuçiç, i cili është nën presion të madh për t’i vendosur sanksione Rusisë për të dënuar luftën e nisur në Ukrainë.
/abcnews.al
