Një vajzë 27-vjeçare nga Polonia, e cila kishte rezultuar pozitive për koronavirusin, ka ndërruar jetë vetëm disa ditë pasi kishte sjellë në jetë fëmijën. Kështu, 27-vjeçarja bëhet një nga viktimat në moshë më të re që kanë humbur jetën si pasojë e koronavirusit.
Sipas raportimeve, ajo e kishte marrë sëmundjen nga nëna e saj, që ishte kthyer nga Italia me simptoma tipike të sëmundjes por gjithsesi i kishte neglizhuar. Spitali në Łańcut, njoftoi se pacientia ishte transportuar për ndihmë mjekësore tek ‘ta një javë pasi kishte sjellë në jetë fëmijën me operacion.
Pasi u shtrua në spital, gruaja pati kompliakcione të rënda shëndetësore dhe u vendos në kujdes intesiv. Mjekët më pas e futën me urgjencë në sallën e operimit, por për fat të keq pas 12 orësh ndërroi jetë.
Ministria e Shëndetësisë në Poloni saktësoi se shkaku i drejtpërdrejtë i vdekjes së nënës së re nuk ishtë koronavirusi, por sepsis, që megjithatë, është një infeksion që mund të jetë shkaktuar pikërisht nga Covid-19.
Sipas The Lancet, studimet e kryera në dy spitale kineze kanë treguar se mbi gjysma e pacientëve të shtruar në spital për koronavirus zhvillojnë këtë lloj infeksioni. /abcnews.al/
