Napoli ka vendosur të shesë Kalidou Koulibaly dhe po pret ofertën e duhur nga Premier League. Klubi italian ka përforcuar mbrojtjen me Amir Rrahmanin, por kapiteni i Kosovës nuk mjafton dhe Gennaro Gattuso kërkon një tjetër lojtar në këtë repart.
Todofichajes.com zbulon emrin që pëlqejnë nënkampionët e Italisë. Ai është Robin Koch, 23-vjeçari i Freiburg. Gjermani aktivizohet në qendër të mbrojtjes dhe bën rolin e mesfushorit shkatërrues.
Koch ka debutuar tetorin e kaluar me kombëtaren gjermane dhe numëron dy ndeshje të zhvilluara me kombëtaren. 15 milion euro kërkon Freiburg për ta lënë të lirë, shumë që Napoli nuk e ka aspak problem ta paguajë. /abcnews.al
