Derbi është pranë dhe si zakonisht interesi për këtë përballje është i madh. Edmond Dosti, nga Austria pritet që të fluturojë drejt Shqipërisë dhe ta ndjekë këtë përballje nga stadiumi. Gjithashtu ish-sulmuesi kampion në vitin 1993 me “demat”, nuk e humbet mundësinë edhe t’u japë moral të kuqve para sfidës me Tiranën.
“Të premten luajmë një ndeshje vendimtare për ecurinë e kampionatit, kundër Tiranes që është një kundërshtar i përjetshëm dhe që ka shumë probleme për momentin. Gjithsesi nuk duhet nënvlerësuar. Ne jemi në kushtet që mund t’i mposhtim. Nëse jemi të përqendruar dhe të bindur për sukses, atëherë do t’ia dalim. Unë mendoj se djemtë janë gati për të përballuar ndeshjen e derbit dhe besoj shumë te fitorja.
Ne (ish-pjesëtar te klubit dhe tifozët) po mundohemi t’i transmetojmë skuadrës besim dhe ta rritim nga ana mentale e psikologjike. Ka shumë rëndësi që në fushë të zbresim me bindjen se mund ta mposhtim kundërshtarin, sepse ne jemi Kampionët , ne jemi një Familje e madhe me emrin Partizani. Suksese dhe me një fitore! PMTP ! Derbi nuk është një ndeshje për t’u luajtur, por për t’u fituar. Ne jemi Kampionët!”, shkruan Dosti në llogarinë e tij në “Facebook”. /abcnews.al
