Tjetër lojtar me koronavirus te Barcelona. Pak ditë më parë rezultoi pozitiv Jean-Clair Todibo, ndërsa sot është regjistruar rasti i radhës. Sërish mbrojtës dhe ai është Samuel Umtiti, i cili fitoi Botërorin me Francën verën e vitit 2018.
Lajmi është konfirmuar nga klubi katalanas nëpërmjet një postimi në Twitter. 26-vjeçari ndodhet në gjendje të mirë shëndetësore, nuk ka fare simptoma dhe është izoluar menjëherë sapo u mësua përgjigja e testit.
[ÚLTIMA HORA ‼️]
El jugador @samumtiti, positivo por COVID-19
? Conoce todos los detalles del estado de salud del francés: https://t.co/YjLjCVPHfU pic.twitter.com/FOo8LsSWbf
— FC Barcelona (@FCBarcelona_es) August 14, 2020
Klubi katalanas ka informuar autoritetet kompetente sportive dhe shëndetësore, teksa i janë nënshtruar testeve të gjithë lojtarët që kanë pasur kontakte me francezin.
Një lajm që krijon shqetësim dhe panik te Barcelona, që në orën 21:00 zhvillon në Champions League ndeshjen çerekfinale kundër Bayern Munchen. /abcnews.al
