Ky do të jetë viti i fundit mes nxënësve.
Pas një kontributi afro 4 dekadash në arsim, misioni i Dilavere Elezit po i afrohet fundit.
Mësuesja e biologjisë në shkollën 9 vjecare “Beslidhja” në Lezhë këtë vit del në pension.
Ndien keqardhje që po e mbyll karrierën gjatë të cilës ka arsimuar dhe edukuar me dhjetëra breza.
Vështirësitë nuk kanë munguar por thotë se zgjidhjen e çdo situate e ka gjetur te komunikimi me nxënësit dhe kolegët.
Kurrsesi shkollës nuk do t`i largohet. Thotë se banon afër saj dhe do të gjendet pranë fëmijëve dhe kolegëve sa herë të jetë e nevojshme.
Rrugëtimi në arsim është drejt fundit edhe për mësuese Afërdiat Havarajn, në Vlorë.
Emocionet e një kapitulli të ri në jetën e saj e kanë përfshirë që tani. Thotë se do t`i mungojnë nxënësit dhe kolegët.
Mësuese, bashkëshorte dhe nënë, as për Afërditën 36 vite punë nuk kanë qënë të lehta, por ja ka dalë t`i kryejë mirë të gjitha rolet.
Në arsim ka qënë shumë kërkuese aq sa tregon se nxënësit e kanë cilësuar të ashpër, megjithatë e kanë dashur për profesionalizimin dhe përkushtimin./abcnews.al
