Në të gjithë Australinë po organizohen protesta masive në përgjigje të valës së dhunës ndaj grave. Protestuesit kanë bërë thirrje që të miratohen ligje më të ashpra.
Kryeministri Anthony Albanese tha se çështja ishte një krizë kombëtare ndërsa ai mblodhi kabinetin të mërkurën, me autoritetet që thanë se të gjitha qeveritë në nivel kombëtar duhet të bëjnë ndryshime.
One of the organisers of the rally protesting violence against women has called Prime Minister Anthony Albanese a liar. #9News
READ MORE: https://t.co/XPy8LlGsWM pic.twitter.com/yYbqRRrmBN
— 9News Australia (@9NewsAUS) April 28, 2024
Duke iu përgjigjur thirrjeve të protestuesve që dhuna ndaj grave të shpallet gjendje e jashtëzakonshme, kryeministri tha se kategorizimi zakonisht bëhet gjatë përmbytjeve ose zjarreve.
“Ne nuk kemi nevojë për një muaj apo dy muaj, duhet ta trajtojmë atë në mënyrë serioze, javë pas jave, muaj pas muaji, vit pas viti”, tha ai.
Vetë kryeministri e ka quajtur vazhdimisht dhunën me bazë gjinore një epidemi, por kjo nuk është asgjë e re: në vitin 2021, pati marshime në të gjithë vendin për të raportuar abuzimin seksual brenda parlamentit dhe shoqërisë.
Në Adelaide, rreth 3,000 njerëz u mblodhën jashtë ndërtesës së parlamentit të qytetit të shtunën. Protestat u mbajtën gjithashtu në Brisbane, Melburn, Gold Coast dhe Neëcastle të premten dhe të shtunën.
Në fillim të këtij muaji, një burrë vrau me thikë gjashtë persona në një qendër tregtare të Sidneit. Pesë nga viktimat ishin gra dhe policia po heton nëse ato ishin në shënjestër.
Në total, 27 gra janë vrarë në 119 ditët e para të vitit 2024.
/abcnews.al
