Në selinë e Partisë Demokratike mbizotëron sot qetësia, ndërsa një ditë më parë kryetari i saj Lulzim Basha u dorëhoq. Gazetari Juxhin Mustafaraj nga selia blu raporton se i vetmi që ka mbërritur në zyrën e tij paraditen e sotme është kryetari i komanduar Enkelejd Alibeaj.
Përveç tij asnjë funksionar tjetër nuk është paraqitur sot në PD. Situata e qetë dhe pa shumë lëvizje në seli përkon edhe me faktin se sot është një ditë pushim me rastin e festës së Sulltan Novruzit. Sot gjithashtu është edhe përvjetori i 22 marsit, ku Partia Demokratike mori fitoren e parë 30 vite më parë, duke sjellë pluralizmin politik në vend. Lidhur me këtë datë të shënuar për PD, i pari që dha sot mesazhin e tij ishte ish-kryetari Basha.
Sakaq, në PD nuk do të ketë sot aktivitete politike, ndërsa Enkelejd Alibeaj do të ketë në vizitë në Kryegjyshatën Botërore. g.v/abcnews.al