Loading ...
Filipinet kanë vënë në gatishmëri të lartë të gjitha aeroportet e tyre pas një paralajmërimi se mund të shpërthejë një bombë në avionët që nisen nga Manila drejt destinacioneve të ndryshme, përfshirë destinacionet turistike, tha sot Autoriteti i Aviacionit Civil të vendit.
Paralajmërimi u dërgua me email tek shërbimet e trafikut ajror dhe kishte të bënte me një kërcënim për fluturimet që niseshin nga kryeqyteti Manila me destinacion Davao, Bicol dhe zonat e njohura turistike të Palawan dhe Cebu.
Rregullatori i aviacionit publikoi sot një memorandum të datës 4 tetor, duke udhëzuar zyrtarët e sigurisë së aeroportit të rrisin masat e sigurisë, të kontrollojnë bagazhet dhe të kryejnë mbikëqyrje 24-orëshe pas emailit paralajmërues, në të cilin shkruhej se një avion do të shpërthejë.
/abcnews.al
