Ka humbur jetën një lehonë e cila ishte e prekur me Covid-19. 21 vjeçarja nga Podujeva me inicialet D.P. disa orë pasi ka kryer lindjen me prerje cezariane ka vdekur.
Lajmin e ka konfirmuar infektologu Valbon Krasniqi.
“Mund të konfirmoj se nga shefi i Njësisë Intensive të Mjekësisë Intensive mu konfirmua se ka ndërru jetë pacientja nga komuna e Podujevës e cila para disa orëve për shkak të gjendjes urgjente është dërguar në spitalin e Gjinekologjisë për tu kryer lindja me anë të prerjes cezariane dhe fatkeqësish pas kthimit në intensivë nuk i ka mbijetuar infeksionit me Covid-19”, tha Krasniqi.
Krasniqi u ka shprehur ngushëllime familjarëve.
E reja në orët e pasdites kishte kryer lindjen me prerje cezariane.
Ajo ishte sjell në Klinikë në gjendje të rëndë dhe me urgjencë i ishte kryer lindja në javën e 36 të shtatzënisë./abcnews.al
