Të hënën Task Forca ndërinstitucionale për sigurinë në plazhe u ndal në vendin e quajtur “plazhi i madh” në Durrës.
Inspektorët kontrolluan nëse subjektet që ushtrojnë veprimtarinë e tyre përgjatë bregdetit respektojnë rregullat dhe nëse kanë marrë masa për mbarëvajtjen e sezonit.
Nga kontrollet e para është vërejtur se disa prej subjekteve kanë zaptuar hapësirat publike.
Oltien Gripshi, Koordinatori i Task Forcës thotë se edhe pse situata është përmirësuar krahasuar me vitet e shkuara, numri i ulët i rojeve bregdetare mbetet sërish problem.
Nga “përroi i agait” e deri te “ura e dajlanit” janë afro 50 plazhe publike dhe në secilin prej tyre janë marrë masa për vendosjen e sinjalistikës dhe sigurimin e kushteve për pushuesit.
Kjo Task Forcë ndërinstitucionale do të vijojë kontrollet përgjatë gjithë sezonit ndërsa subjektet që do të gjendjen në shkelje do të ndëshkohen me gjobë.
/abcnews.al
