Kryetarja e Kuvendit të Shqipërisë, Lindita Nikolli, priti ditën e hënë në një takim ambasadoren e SHBA-së në Tiranë, Yuri Kim.
Ambasadorja e SHBA vlerësoi rolin dhe kontributin e rëndësishëm të Kuvendit të Shqipërisë nën lidershipin e Kryetares së Kuvendit, Lindita Nikolla, në avancimin dhe thellimin e reformave të rëndësishme, jetike për jetën e vendit.
Gjithashtu ambasadorja vlerësoi rolin e Kuvendit të Shqipërisë në fuqizimin e shtetit të së drejtës, konsolidimin e institucioneve demokratike dhe luftën kundër korrupsionit dhe krimit të organizuar.
Në bisedën mes tyre Nikolla dhe Kim theksuan rëndësinë e avancimit të procesit të vetting-ut dhe ndërtimin e një sistemi drejtësie të ndershëm, në shërbim të qytetarëve.
Ndërsa vlerësuan bashkëpunimin e suksesshëm midis ShBA dhe Shqipërisë në kuadrin e Këshillit të Sigurimit të OKB-së dhe NATO-s për dënimin e agresionit ushtarak të Rusisë dhe mbështetjen e Ukrainës.
Kryetarja e Kuvendit Lindita Nikolla dhe Ambasadorja Yuri Kim theksuan me tej rëndësinë e bashkëpunimin dypalësh për rritjen e sigurisë dhe forcimin e paqes në rajon e më gjerë, rritjen e bashkëpunimit midis Kuvendit të Shqipërisë dhe Kongresit Amerikan, edhe në kuadrin e 100-vjetorit të vendosjes së marrëdhënieve diplomatike midis të dy vendeve, si dhe nxitjen dhe mbështetjen e investimeve amerikane në Shqipëri dhe çështje të tjera të bashkëpunimit dypalësh.
/Abcnews.al/
