Michael Ngoo është lojtar i lirë, pas aventurës së fundit në Qipro që e mbylli pa gola. Te Tirana vazhdojnë ta kenë si opsion për sulmin, por anglezi i ka idetë e qarta dhe fillimisht kërkon bonusin për titullin kampion të para dy viteve.
“Ende nuk kam nënshkruar me Tiranën. Drejtuesit i kanë thënë menaxherit tim që do të kompletojnë bonusin e mbetur që prej kohës kur fituam titullin kampion”, thotë fillimisht për “Panorama Sport” sulmuesi.
“Pasi të jetë plotësuar ky kusht, jam i hapur dhe i gatshëm për të nënshkruar për Tiranën. Nëse shpërblimi nuk paguhet, nuk do të nënshkruaj për Tiranën.
Kam punuar shumë kur fituam kampionatin. Asokohe me shokët e tjerë të ekipit ndihmova klubin të fitonte titullin, të kualifikohej në Europë dhe të bënte para”, ka deklaruar Ngoo mes të tjerash. /abcnews.al
