Gazetarja Etleva Delia në emisionin “Real Story” në ABC News foli për ngjarjet kriminale të ndodhura në fillim të janarit.
Gjithashtu foli edhe për atentatin që tronditi Vlorën, ku u ekzekutua 30-vjeçari Kristian Marku.
Gjatë intervistës gazetarja theksoi se dyshohet që autorët të jenë pritur nga një automjet të mbikalimi i Novoselës, kanë marrë informacion që makina e viktimës po kalonte.
Gjithashtu nënvizoi se autorët e përfshirë në këtë krim, mund të jenë ndihmuar nga dikush tjetër për t’u larguar.
“Në Rrëshen janë konflikte që familja Reçi ka me dy fise të ndryshme. Konflikti me familjen Bardhi ka ndodhur në 1995 ka ndodhur një vrasje që është sheshuar në heshtje dhe nuk ka pasur përplasje deri në vitin 2023. Ku një biznesmen u ekzekutua në Rrëshen dhe policia e lidh me këtë ngjarje ndonëse nuk ka prova. Këto që janë ngjarje që ka sjellë këto konflikte me pasoja të rënda”, tha mes të tjerash ajo, duke shtuar:”I pamë se sa të ashpër ishin dhe lidhje të ashpra kishin aleancat mes 7 grupe kriminale një ndër ta ishte edhe grupi i Rrëshenit. Kishin lidhje të forta me pothuasje të gjitha grupet kriminale dhe bashkëpunonim me njëri tjetrit për t’i kryer nderë njëri tjetrit.”
/abcnews.al/
