Një vajzë 13-vjeçare në shtetin amerikan të Mississippi-t lindi një djalë pasi u përdhunua nga një i panjohur dhe nuk mund të abortonte, raportoi Time.
Nëna e vajzës kërkoi një abort për vajzën e saj, por iu tha se vendi më i afërt për të kryer procedurën ishte në Çikago, më shumë se nëntë orë larg shtëpisë së tyre në Clarksdale, Mississippi.
Nëna e vajzës tha se kostoja e një aborti në Çikago është shumë e lartë, kur merrni parasysh koston e udhëtimit, pushimin nga puna dhe se ajo nuk kishte mjetet për të paguar të gjitha.
Kujtojmë që aborti është kufizuar në 14 shtete të SHBA-së, sipas Qendrës për të Drejtat Riprodhuese.t.
Rreth 25 milionë gra nga mosha 15 deri në 33 vjeç jetojnë në shtetet amerikane me të drejta të kufizuara për abort. Shteti kërkon që përdhunimi të raportohet në polici për të marrë një abort të ligjshëm. Dy nga tre rastet e përdhunimeve në SHBA nuk raportohen në polici, sipas organizatës jofitimprurëse amerikane kundër sulmeve seksuale./abcnews.al
