Nga parkimi i gabuar në vepra të tjera penale/ Policia e Tiranës shton kontrollet, 54 shtetas të proceduar, 65 mjete të bllokuara

Policia Rrugore e Tiranës ka intensifikuar kontrollet, të mbështetura edhe nga denoncimet e qytetarëve në numrin 112, për të ndëshkuar çdo rast që cënon sigurinë dhe lirinë e lëvizjes në rrugë.

Në këtë kuadër, gjatë javës:

– 54 shtetas janë proceduar penalisht, në zbatim të nenit 293 të Kodit Penal, për parkim të gabuar në rrugë dhe korsi të dedikuara për emergjencat, biçikletat, këmbësorët dhe transportin publik;

– 39 shtetas janë arrestuar/proceduar për vepra të ndryshme penale;

– 65 automjete janë bllokuar dhe tërhequr me mjet ngritës.

Kontrollet do të vijojnë në mënyrë të pandërprerë në çdo kohë, me fokus verifikimin dhe ndëshkimin e çdo shkeljeje që cenon sigurinë rrugore. / abcnews.al