Si një supermodele, këngëtare dhe ish zonjë e parë e Francës, askush nuk ka pasur një karrierë të ngjashme me Carla Brunin. Që kur burri i saj, Nicolas Sarkozy, u largua nga zyra në 2012, Bruni është përqendruar në muzikën e saj. Megjithëse ajo ka qenë duke shkruar këngë përgjatë dy dekadave, projekti më i fundit i saj është një nga 6 albumet që është një pasqyrim i vetes së saj.
Çdo këngë ajo thotë se e shkruan me dorë në fletore. Kjo bie ndesh me dominimin dixhital dhe pasqyron natyrën personale të këngëve të saj. Eksplorimi i albumit i romancës dhe fantazisë nuk mund të mbërrinte në një moment më të mirë. Bruni filloi të shkruajë në fund të vitit 2019, atëherë kur pandemia e koronavirusit filloi të përhapej në të gjithë Evropën.
“Ka diçka të veçantë në këtë album. Ishte e natyrshme dhe intime. [Muzika] është shumë e ndjeshme për mua. Nuk e di pse, por disa projekte që krijon janë më afër jush se të tjerat.“, shpjegon Bruni për Vogue. “Unë përdor stilolaps dhe letër si në Mesjetë! Kur je në një kompjuter, çdo mendim zhduket. Në letër, mund të mbash gjithçka. Vazhdova të shkruaja gjatë gjithë izolimit dhe kur dolëm, kisha 16 ose 17 këngë.“, shton ajo.
Ajo ka planifikuar një sërë koncertesh virtuale për në fund të këtij viti. Bruni shpreson të përcjellë një mesazh gjatë kësaj periudhe të vështirë. “Shpresoj që kur njerëzit të dëgjojnë të ndjehen të përkëdhelur dhe me pushime. Muzika është edhe më e rëndësishme tani që po kalojmë periudha të vështira, [por] jam optimiste. ” , thotë Bruni. xh.d/abcnews.al
