Besmir Billa mbush plot një dekadë si drejtues i Zyrës Rajonale të Avokatit të popullit në Kukës. Për Besmirin, të jesh punonjës i këtij institucioni është privilegj, por edhe përgjegjësi.
Puna në këtë pozicion kërkon përkushtim e angazhime që dalin shpeshherë jashtë protokolleve zyrtare për vetë veçoritë që ka qarku i Kukësit.
Problematikat janë nga më të ndryshmet e që trajtohen me përgjegjësi në çdo takim që zhvillon në terren dhe me qytetarët që pret në zyrën e tij.
Thotë se pjesa e konsiderueshme e qytetarëve ende se kanë të qartë rolin që ka avokati i popullit dhe pritshmëritë e tyre janë shumë të larta. Raste pafund që kërkojnë zgjidhje e përkushtim.
Prirjet e tij ishin arkitektura dhe artet figurative. Para se të merrej me jurisprudencën, Besmiri ishte një aktivist në shoqërinë civile dhe punonte me të rinjtë. Edhe sot krahas punës si avokat I popullit, angazhohet në ditët e pushimit me programe sociale në ndihmë të shtresave në nevojë.
Shpeshherë I duhet të udhëtojë në çdo fshat e zonë për t’u marrë me probleme edhe pse thotë se nuk mund të gjejë zgjidhje, të paktën jep sqarimet e nevojshme dhe nuk tërhiqet nga asistenca për qytetarët.
