Zyra e kryeministrit të Izraelit ka mohuar kategorikisht se është paralajmëruar nga Egjipti për një sulm nga Hamasi, raporton Radio Publike e Izraelit.
Zyra e Benjamin Netanyahu i quajti raportet “të pasakta dhe të rreme” dhe “një gënjeshtër e plotë”.
“Asnjë paralajmërim paraprak nuk ka mbërritur nga Egjipti dhe kryeministri nuk ka folur apo takuar me kreun e shërbimit të inteligjencës egjiptiane që nga krijimi i qeverisë, as në mënyrë indirekte dhe as drejtpërdrejt”, thuhet në deklaratë. “Ky është një lajm krejtësisht i rremë”, thuhet në të.
