Kryeministri izraelit Benjamin Netanyahu tha të hënën se Izraeli do të konsideronte “pauza të shkurtra taktike” në luftimet në Gaza për të lehtësuar hyrjen e ndihmave ose daljen e pengjeve të mbajtura nga Hamasi, por përsëri hodhi poshtë thirrjet për një armëpushim të plotë pavarësisht presionit ndërkombëtar.
Netanyahu tha se një armëpushim i përgjithshëm do të pengonte përpjekjet luftarake të vendit të tij, por ndalimi i luftimeve për arsye humanitare, një ide e mbështetur nga aleati kryesor i Izraelit, Shtetet e Bashkuara, do të vazhdojë të konsiderohet bazuar në rrethanat, raportojnë mediat e huaja.
“Për sa i përket pauzave të shkurtra taktike – një orë këtu, një orë atje – ne i kemi pasur ato më parë. Unë supozoj se do të shikojmë rrethanat për të mundësuar hyrjen e mallrave, mallrave humanitare, ose largimin e pengjeve tona, pengjeve individuale”, tha Netanyahu për rrjetin televiziv amerikan ABC News të hënën.
“Por unë nuk mendoj se do të ketë një armëpushim të përgjithshëm.”, shtoi ai Presidenti i SHBA Joe Biden diskutoi pauza të tilla dhe lirime të mundshme pengjesh në një telefonatë me Netanyahu të hënën, duke përsëritur mbështetjen e tij për Izraelin duke theksuar se ai duhet të mbrojë civilët, tha Shtëpia e Bardhë.
Pas sulmit të Hamasit më 7 tetor, që shkaktoi 1400 viktima, Izraeli filloi një ofensivë ajrore dhe tokësore kundër Hamasit, që SHBA e konsiderojnë një organizatë terroriste. Hamasi mori peng rreth 240 personave. Bombardimet izraelite kanë vrarë të paktën 10,000 në Gaza, sipas autoriteteve shëndetësore të enklavës./abcnews.al
